Hrútadagurinn

Eins og allir vita sem fylgjast með fréttum, varð húsbóndinn á heimilinu þess heiðurs aðnjótandi að verða HRÚTAÞUKLARI ÁRSINS 2005. Í dag var hrútadagurinn í Sævangi og smelltum við fjölskyldan okkur þangað. Pabbi ákvað að skella sér með okkur og hann gerði góða ferð. Hann lenti í 3. sæti vanra þuklara en Þormóði tókst ekki að verja titilinn, ég var nær því en hann........... híhíhíhí

Annars gengur lífið sinn vanagang hér á Hólnum, ungfrúin byrjuð í 1. bekk og líkar það ljómandi vel, eins og við var að búast. Við erum reyndar í vandræðum eftir hádegi, vantar daggæslu og reiðum okkur því á góðverk góðra kvenna og karla á Skagaströnd. Takk takk.

Í gær var okkur boðið með í ferð út í Drangey og skemmst er frá því að segja að við fórum öll upp í eyju, líka hún Elín Ósk. Með í för voru Svenni bróðir og Úlfar Hörður, Tómas bróðir, Björg Eva frænka, við þrjú og svo mamma. Allir fóru upp í eyna nema mamma, hún er svo lofthrædd að það þyrfti örugglega Landhelgisgæsluþyrluna til að koma henni niður. Við fengum ljómandi gott veður í ferðinni.

Jæja, best að fara að halla sér...........................