Saltkjöt og baunir - túkall !!

Nú er bloggað af miklum móð og langt síðan bloggað hefur verið með svona stuttu millibili. Gefur kannski til kynna að bloggarinn hafi meiri tíma???

Jæja, upp er runninn hinn skemmtilegi sprengidagur. Ég eldaði að sjálfsögðu saltkjöt og baunir í hádeginu og við átum á okkur gat. Gott að eiga afgang í kvöldmatinn. Það heyrir nefnilega til tíðinda á þessum bæ að eldað sé í hádeginu á virkum dögum, enda húsfrúin alltaf í vinnunni. En núna er gott að vera í vetrarfríi og stjana við fjölskylduna.

Í gær brugðum við mæðgur okkur á Akureyri í búðarráp og versluðum mikið, sérstaklega í Bónus. Ég skil reyndar ekki af hverju Norðurland vestra er eini landshlutinn þar sem Bónus er ekki, er alveg sannfærð um að þetta tengist eitthvað KS veldinu. Það munar alveg heilmikið um að kaupa í matinn í Bónus, miðað við Samkaup og KS. En hvað um það, maður skreppur þá bara oftar til Akureyrar enda fínt að fara þangað.

Á morgun er síðan öskudagur og Elín fer í leikskólann þá, sem Lína Langsokkur og með Herra Níels með sér. Þetta er búið að vera mikið mál fyrir hana, hún vildi vera Solla stirða, svo einhverjar Disneygellur en endaði á Línu. Ég er mjög sátt, enda Lína frábær karakter.
Svo er vinna framundan fimmtudag og föstudag, stutt vinnuvika......................

Þið megið alveg skrá inn einhver comment, það er gaman að vita að einhver er að lesa þetta bull, bæbæ