Föstuinngangur

Þá er komið að átdögunum miklu og eru þeir frekar snemma í ár, mmmmmmm.......

Búið að baka bollurnar á þessu heimili og ætli það verði ekki 1. í bollum í dag og 2. í bollum á morgun, þar sem ég kem nú frekar snemma heim. Svo verða örugglega kjötbollur eða fiskibollur í kvöldmatinn. Þá verða baunir lagðar í bleyti og svo er saltkjöt og baunir á þriðjudag, mmmmmmmmm, elska baunir með lauk og beikoni. Ekki eru nú allir á heimilinu áfjáðir í þessar baunir en ætla að prófa þær á drengnum, honum finnst allt gott.
Svo er það martröðin öskudagur og ætlum við að reyna að búa til sjónvarp, gangi okkur vel....... Náttfatadagur í skólanum um morguninn og svo er grímuball um kvöldið.

Er farin að hlakka til að hitta Baunana sem birtast hér á klakanum þann 13. og koma væntanlega norður þann 14. hef ekki séð þau síðan í maí 2006.....

Fyrsta alvöru vetrarskotið kom núna fyrir helgina og fórum við ekki í skólann á fimmtudaginn fyrr en rétt fyrir 10, sökum þess hve blint var. Ætla sko ekki að taka neina áhættu og ana út í einhverja vitleysu. Núna hinsvegar er blíða, sólin skín og smá frost, fallegt gluggaveður.

Þetta er svona hálfgerður fréttapistill, hef svosem lítið annað að segja.

DRÚ