Örfréttir

Hér er allt í ró og spekt ennþá. Fór í skoðun í gær og á að fara næst á þriðjudaginn ef krílið verður ekki komið... hef ekki alveg þolinmæði í þetta lengur. Þá verður væntanlega eitthvað farið að hreyfa við því. (Hef á tilfinningunni að þetta gerist allt um helgina!!!)

Skólaslit voru í dag og við erum alveg rosalega montin af okkar dömu. Hún fékk svo ljómandi fínar umsagnir í öllum fögum og allt gengur svo rosalega vel. Fyrsti "frídagurinn" var hjá henni í dag, þar sem skólaslitin voru kl. 18:00. Henni fannst þetta frekar furðulegt og var farin að óska þess að vera frekar í skólanum en heima, veðrið vont, lítið handa henni að gera úti og hún þurfti mest að hafa ofan af fyrir sér sjálf. Þetta viðhorf verður breytt eftir örfáa daga.

Íslenskt vor og sumar..................
Flestir sjá fyrir sér 10-20 stiga hita, sól, stöku rigningadagar, grasið sprettur á fullu, grillpartý og fleira í þeim dúr. Nei, nei, nei ekki núna. Hér er uþb 0°C og slyddar, hvít slykja yfir öllu. Ég vorkenni svo lambfénu sem þarf að vera úti. Væri alveg til í að það færi aðeins að hlýna á Klakanum.

Jæja, næsta blogg verður örugglega ekki fyrr en eftir einhverja daga, svo endilega fylgist bara með á síðunni hjá Heiðu systir, hún mun örugglega koma einhverjum fréttum þar inn.

Vorkveðja úr slyddunni....................